هاووڵاتییەکی کورد لە کەرکووک لەلایەن چەند چەکدارێکەوە کوژرا
K24 - هەولێر:
درەنگانی شەوی رابردوو لەگەڕەکی پەنجا عەلی کەرکووک، چەند چەکدارێک تەقە لە هاووڵاتیەکی کورد دەکەن و دەیکوژن.
سەرچاوەیەک لە پۆلیسی کەرکووک بە کوردستان24ـی راگەیاند، ئەو کەسەی تەقەی لێکراوە ناوی (شاخەوان جەعفەر)ـە کوردە و دانیشتووی گەڕەکی پەنجا عەلی‌یە.
بەپێ زانیاریەکان کوردستان24، ئەو کەسەی کوژراوە کادری یەکێتی نیشتیمانی کوردستانە.
ئەندامێکی بنەماڵەی کوژراوەکە بە کوردستان24ـی راگەیاند، چەکدارەکان کەسانی ناسراون و پێشتر کێشەی دوژمندارییان لەگەڵ کوژراوەکە هەبووە.