کەشناسی: پلەی گەرما دادەبەزێت
K24 – هەولێر
چەند رۆژێکە شەپۆلێکی گەرما هەرێمی کوردستانی گرتووەتەوە، بەگوێرەی پێشبینییەکانی کەشناسی، لە رۆژی شەممەوە پلەی گەرما بەراورد بە رۆژانی رابردوو روو لە دابەزین دەکات.
بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان، پێشبینییەکانی بۆ 48 کاتژمێری داهاتوو بڵاوکردەوە و رایگەیاند، ئەمڕۆ هەینی 11/8/2023، ئاسمان ساماڵ دەبێت لەگەڵ بوونی پەڵە هەوری جیاجیا و ئەگەری بەرزبوونەوەی تۆزێکی سووک هەیە. پلەی گەرما نزیک دەبێتەوە لە تۆمارکراوەکانى دوێنێ .
کەشناسی لەبارەی کەشوهەوای سبەى رایگەیاندووە، رۆژی شەممە ئاسمان ساماڵ دەبێت لەگەڵ بوونی تۆزێکى سووک و کەمێک پەڵە هەور لە هەندێک کاتدا. پلەى گەرما بە گشتی کەمێک نزم دەبێتەوە بە رێژەى ( 1- 2) پلە بە بەراورد لە تۆمارکراوەکانى ئەمڕۆ .
بەرزترین پلەکانی گەرمای پێشبینیکراو بە پلەی سیلیزی:
هەولێر: 46 پلەى سیلیزى
سلێمانی: 44 پلەى سیلیزى
دهۆک: 45 پلەى سیلیزى
کەرکوک: 48 پلەى سیلیزى
هەڵەبجە: 46 پلەى سیلیزى
زاخۆ: 46 پلەى سیلیزى
حاجی ئۆمەران: 34 پلەى سیلیزى
گەرمیان: 49 پلەى سیلیزى