سەرۆکی حکومەتی هەرێمی کوردستان و سەرۆکی ئیمارات کۆبوونەوە
K24 – هەولێر:
سەرۆکی حکومەتی هەرێمی کوردستان و سەرۆکی ئیمارات جەخت لە گرنگیی پتەوکردنی هاریکاری و هەماهەنگیی نێوان هەرێمی کوردستان و ئیمارات دەکەنەوە.
رۆژی پێنجشەممە (17ـی ئابی 2023) مەسرور بارزانی، سەرۆکی حکومەتی ھەرێمی کوردستان له شاری ئەبوزەبی، لە گەڵ شێخ محه‌ممه‌د بن زاید ئال نەهیان سەرۆکی ئیمارات کۆبووەوە .
لە کۆبوونەوەکەدا گفتوگۆ لەبارەی پەرەپێدانی پەیوەندیی دۆستانەی نێوان دەوڵەتی ئیمارات و هەرێمی کوردستان کرا و جەخت لە گرنگیی پتەوکردنی هاریکاری و هەماهەنگیی نێوان هەردوولا لە هەموو بوارەکاندا کرایەوە.
لە تەوەرێکی دیکەی کۆبوونەوەکەدا، بارودۆخی گشتیی عێراق و ناوچەکە و چەند پرسێکی جێی بایەخی هاوبەش تاوتوێکران.
