هێلیکۆپتەرێکی سەربازی ئەمەریکا تێکشکا

20 سەربازی تێدا بووە

K24 – هەولێر

هێلیکۆپتەرێکی سوپای ئەمەریکا لەکاتی مانۆڕی سەربازی لە کەناراوەکانی ئوسترالیا تێکشکا.

میدیاکانی ئوسترالیا بڵاویانکردەوە، بەرەبەیانی ئەمڕۆ 27/8/2023، لەمیانی ئەنجامدانی مانۆڕێکی سەربازیدا، هێلیکۆپتەرێکی ئەمەریکی کە 20 سەربازی تێدابووە لە کەناراوەکانی باکووری ئوسترالیا تێکشکاوە.

ئاماژە بەوەشکراوە، ئەو هێلیکۆپتەرەی تێکشکاوە لەجۆری ئۆسپێری بووە، ژمارەیەک لە سەرنشینەکانی هێلیکۆپتەرەکە رزگارکراون و گەڕان و پشکنینیش بەدوای بێسەروشوێناندا بەردەوامە.

تا ئێستا هیچ کام لە سوپای ئەمەریکا و وەزارەتی بەرگری ئەو وڵاتە هۆکاری تێکشکانی هێلیکۆپتەرەکەیان ئاشکرا نەکردووە.