داعش هەڕەشەی هێرشکردن دەکات
K24 – هەولێر:
داعش لە پێگەی تێلێگرام گرتەیەکی ڤیدیۆیی بڵاوکردووەتەوە و تێیدا هەڕەشەی لەناوبردن و هێرشکردنە سەر پارتە کوردییەکانی سووریا و لایەنە نووسەیرییەکان دەکات و داوا لە شوێنکەوتوانی دەکات، لە هەر شوێنێک ئەندامانی پارتە کوردییەکانیان بینی، بیانکوژن.
هاوکات داعش لە ڤیدیۆکەدا ئاشکرایکردووە، بەمنزیکانە هێرشدەکەنە سەر کەمپی هۆل و تەواوی ئەو شوێنانەی ئەندامانی داعشی تێدا دەستبەسەرکراون و ئازادیان دەکەن.
له کانوونی یەکەمی 2014 داعش کۆنترۆڵی رەقەی سووریای کرد و وەکو پایتەختی دەوڵەتەکەی رایگەیاند.
له شوباتی 2014 ئەلقاعیدە پەیوەندییەکانی خۆی لەگەڵ داعش پچڕاند، لەدوای ئەوەی پێکدادانی ناوخۆیی لەنێوان بەرەی نوسرە و داعش روویدا.
له حوزەیرانی 2014 لەیەکێک لە هێرشە گەورەکانی داعشدا، ئەو رێکخراوە کۆنترۆڵی مووسڵ و تکریتی کرد و له سووریاوه بهرهو عێراق هاتن.