سبەی دەست بە دابەشکردنی مووچە دەکرێت

K24 – هەولێر

سبەی دەست بە دابەشكردنی مووچە دەکرێت و لە ماوەی 12 رۆژدا مووچەی سەرجەم وەزارەت و دامەزراوەکان دابە دەکرێت.

سەرچاوەیەک لە وەزارەتی دارایی و ئابووری حکومەتی هەرێمی کوردستان بە کوردستان24ی راگەیاند، سبەی دووشەممە 24/9/2023، دەست بە دابەشکردنی مووچەی فەرمانبەران دەکرێت و یەکەم وەزارەت وەزارەتی تەندروستی دەبێت.

سەرچاوەکەی وەزارەتی دارایی راشیگەیاند، رۆژی چوار شەممە کە پشووی فەرمییە، دابەشکردنی مووچە بەردەوام دەبێت.

ئاشکراشی کرد، لە ماوەی 12 رۆژدا مووچەی مانگی تەممووزی سەرجەم وەزارەت و دامەزراوەکانی حکومەتی هەرێمی کوردستان دابەش دەکرێت.

بەگوێرەی زانیارییەکانی سەرچاوەکە، رۆژی سێشەممە 26/9/2023، مووچەی دیوانی وەزارەتی پێشمەرگە و یەکەی 70 و 80 دابەش دەکرێت. رۆژی چوارشەممە مووچەی وەزارەتەکانی دارایی و ئابووری، هەروەها بەڕێوەبەرایەتی دامودەزگا نەوتییەکان و بەڕێوەبەرایەتی گشتی رەگەزنامە دابەش دەدرێت.

رۆژی پێنجشەممە 28/9/2023، مووچەی ئەم شوێنانە دابەش دەکرێت:

هێزی زێرەڤانی و فەرماندەی بەرگری فریاکەوتن

وەزارەتی کاروباری شەهید و ئەنفالکراوان

کەسوکاری شەهیدان و ئەنفالکراوان

زیندانییە سیاسییەکان

رۆژی شەممەی داهاتوو 30/92023، مووچەی وەزارەتی پەروەردە دابەش دەکرێت.

بۆ بینینی خشتەی دابەشکردنی مووچەی سەرجەم وەزارەت و دامەزراوەکان کلیک بکە.

ئەمڕۆ یەکشەممە 24/9/2023، وەزارەتی دارایی و ئابووری رایگەیاند، بڕی 250 ملیار دینار لە رێگەی بانکی رافیدەینەوە خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عێراق. 

بەگوێرەی زانیارییەکانی کوردستان24، بڕیارە سبەی بانکی تی بی ئای 200 ملیار و بانکی رەشید 250 ملیار دەخەنە سەر هەژماری بانکی وەزارەتی دارایی حکومەتی هەرێمی کوردستان.