پارێزگارێ دهۆکێ ل ئەلمانیایە بۆ بەشداریکرن ل چەند چالاکیێن ئابووریدا
K24 - هەولێر:
عه‌لی تەتەر، پارێزگارێ دهۆکێ مێهڤانێ فەخری یێ فورما ئابووری یا بودێنزێ یا نیڤدەولەتی گەهشتە کۆمارا ئەلمانیا فیدرال و ژلایێ پارێزگارێ توتلینگن هاتە پێشوازیکرن.
ئەڤرۆ رۆژا چارشەمبی رێکەفتی 27ی ئەیلۆلا 2023ێ عەلی تەتەر، پارێزگارێ دهۆکێ، ب بانگهێشتناما فەرمی یا فۆرما ئابووری و بازرگانیا بودێنزێ یا نیڤدەولەتی گەهشتە کۆمارا ئەلمانیا فیدرال.
دئێکەم سەرەدانا خۆدا ژلایێ "مشایل بیک" پارێزگارێ توتلینگن هاتە پێشوازیکرن و دسەرەدانەکێدا بۆ پرۆژەکێ مودێرن یێ ئاڤێ کو ئاڤا پاقژ بۆ 183 ویلایەتان بەرهەمدئینیت و چوار ملیۆن مرۆڤ مفایی ژێ وەرگرن کرن.
پارێزگارێ دهۆکێ هیڤی خواست ئەڤ ئەزموونا وان یا پێشکەفتی دبیاڤێ دابینکرنا ئاڤا پاقژدا ڤەگوهێزنە هەرێما کوردستانێ و پارێزگەها دهۆکێ.
ژهەژیە بێژین پارێزگارێ دهۆکێ، دێ پشکداریێ دفۆرما ئابوری و بازرگانیا بودێنزێ یا نیڤدەولەتیدا کەت و چاڤەرێیە د گۆتارەکیدا چەند تەوەران لدۆر پەیوەندیێن هەرێما کوردستانێ و وەلاتێ ئەلمانیا پێشکێشبکەت و هەروەسا هژمارەکا سەرەدانين فەرمی دێ هەبن، دڤێ سەرەدانێدا خانم “لارا زارا” رێڤەبەرا ناوچەداریا ئەلقوش و رێڤەبەرێ پەیوەندیێن پارێزگەها دهۆکێ هەڤالینیا پارێزگارێ دهۆکێ دکەن.