پێشمەرگە ھێرشێكی دیكەی داعشی لە كەركووك تێكشكاند
K24 – كەركووك
ھێزی پێشمەرگە ھێرشێكی دیكەی داعشیان لە كێڵگەی نەوتی بای حەسەن لە كەركووك تێكشكاند.
پەیامنێری كوردستان24 لە كەركووك رایگەیاند: "دوای ئەوەی لە كۆمپانیای غازی باجوان شكشتیان خوارد چەكدارانی داعش ھێرشیان كردە سەر كێڵگەی نەوتی بای حەسەن لە كەركووك، ھێزەكانی پێشمەرگە ھێرشەكەیان تێكشكاندووە".
گوتیشی: "ھەرچەندە پێشمەرگە رێگەیان نەداوە چەكدارانی داعش پێشڕەوی بكەن، بەڵام شەڕ و رووبەڕووبونەوە بەردەوامە و ھێزی پێشمەرگە لە ئامادەباشیدایە بۆ ئەنجامدانی ئۆپەراسیۆن دژی ئەو چەكدارانەی داعش كە دزەیان كردوەتە ناوچەكە و ھەوڵیانداوە بچنە ناو كۆمپانیای بای حەسەنەوە".