زانیاری له‌باره‌ی ئه‌و چه‌كه‌ی كه ته‌قه‌كه‌ره‌كه‌ی برۆكسل به‌كاریهێنا
K24 – هەولێر:
سه‌رۆكی پارتی نیشتمانی فه‌ره‌نسی رایده‌گه‌یه‌نێت، ئه‌و چه‌كه‌ی دوێنێ شه‌و ته‌قه‌كه‌ره‌كه‌ی برۆكسل به‌كاریهێنا، له‌لایه‌ن ئه‌مه‌ریكاوه بۆ ئۆكرانیا ره‌وانه‌كراوه.
سه‌رۆكی پارتی نیشتمانی فه‌ره‌نسی و كه‌سایه‌تی دیاری سیاسی ئه‌و وڵاته فلۆریان فلیپۆ له هه‌ژماری تایبه‌تی خۆی له تۆڕی كۆمه‌ڵایه‌تی (ئێكس) نووسیوویه‌تی: "تیرۆریستێك چه‌كی ئه‌مه‌ریكی له‌كاتی هێرشه‌كه‌ی دوێنێی برۆكسل به‌كارهێناوه".
تا ئێستا ئه‌مه‌ریكا به بڕی پتر له 43 ملیار دۆلار هاوكاری سه‌ربازی دژی رووسیا، به ئۆكرانیا داوه.
ئێوارەی دوێنێ 16/10/2023، لە رووداوێکی تەقەکردندا لە برۆکسلی پایتەختی بەلژیکا پێنج کەس بوونە قوربانی، ئەمڕۆ هێزە ئەمنییەکان وێنەو زانیاری تەواویان ئاشکرا کرد لەسەر هێرشبەرەکە ناوی عەبدولسەلام، تەمەنی 45 ساڵە و خەڵکی تونسە و لە ناوچەی (سکاربیک) لە برۆکسل دەژیت.
بەگوێرەی زانیارییەکان تائێستا نەتوانراوە ئەو کەسە دەستگیر بکرێت. ئەو لە تشرینی دووەمی 2019 داواکاری مافی پەنابەری پێشکەشکردوە، بەڵام دوای لە زیاتر لە ساڵێک وەڵامی نەرێنی وەرگرتووەتەوە و مافی پەنابەری پێ نەدراوە.
عەبدولسەلام لە ساڵی 2021 لە شارەوانی ناوچەی سکاربیک دوورخراوەتەوە و فەرمانی جێهێشتنی بەلجیکای بۆدەرکراوە.
ئەمرۆ ( ڤینسێنت ڤان کویکنبۆرت) وەزیری دادی بەلجیکا رایگەیاند، ئەو لەلایەن پۆلیس بە بازرگانیکردن بە مرۆڤ و نیشتەجێ بوونی نایاسایی و مەترسی خستنە سەر ئاسایشی دەوڵەت ناسرابوو.
وەزیری داد بەلجیکا ئاماژەی بەوەش کرد، لە ساڵی 2016 لەلایەن پۆلیسی نێودەوڵەتییەوە ئاگادار کرا بوونەوە کە عەبدولسەلام پرۆفایلی توندرەوی هەیە و دەبێتە ئەندامی جیهادیییەکان، چونکە پێشتر لە تونس رووبەڕووی تۆمەتی تیرۆر بووەتەوە.
Le terroriste de #Bruxelles a donc semble-t-il utilisé une arme de guerre américaine pour tuer ses pauvres victimes !
— Florian Philippot (@f_philippot) October 17, 2023
Une de celles envoyées en #Ukraine à destination du régime de #Zelensky ?!
Beaucoup avaient pourtant alerté ! Folie totale d’envoyer des armes à un régime aussi… pic.twitter.com/jFDxbXHBL9