کارەبا دھوکێ ل کواشێ ھەیڤانە ملیونەک نیڤ لترێن گازوایلێ د مەزێخیت
K24 - دهۆك:
ویستگەھا کارەبا دھوکێ ل کواشێ ھەیڤانە نێزیک ملیونەک نیڤ لترێن گازوایلێ د مەزێخیت، رێڤەبەرێ بەلاڤکرنا کارەبا دھوکێ ژی دان پێدانێ دکەت ئەگەر غازا سروشتی بھێتە بکار ئینان دێ پارەکێ مەزن بو حکومەتێ زڤریت.
ویستگەھا کارەبا دھوکێ ل کواشێ ھەیڤانە نێزیک ملیونەک نیڤ لترێن گازوایلێ د مەزێخیت، رێڤەبەرێ بەلاڤکرنا کارەبا دھوکێ ژی دان پێدانێ دکەت ئەگەر غازا سروشتی بھێتە بکار ئینان دێ پارەکێ مەزن بو حکومەتێ زڤریت.
ل پارێزگەھێن ھەولێر و سلێمانی غازا سروشتی دھێتە بکار ئینان بو کارکرنا ویزدگەھێن وان یێن کارەبێ، لێ ل ویزدگەھا کواشێ ل پارێزگەھا دھوکێ کار ب گازوایلێ دھێتە کرن، رێڤەبەرێ بەلاڤکرنا کارەبا دھوکێ دیار دکەت قەیرانا دارایی ئەگەرێ گیرو کرنا نەکێشانا بوریا غازیێ یە.
ویزدگەھا کواشێ یا بەرھەم ئینانا کارەبێ یا غازی، ژ سالا ٢٠١٠ ھەتا نوکە پتر شەش ملیار و ھەشت ملیون لێترێن گازوائیلێ مەزاختینە، و ژێدەرەکێ تایبەت بو کوردستان٢٤ دیارکریە کو بەریا دو سالان بوری ھاتیە کێشان بو ویزدگەھێ و غازا سروشتی دھاتە بکارئینان بو کارێن وێ کو ژ نزارکێ دھات، لێ ب بریارەکێ ئەڤ بوریە ھاتیە راوەستاندن و کار پێ ناھێتەکرن، و ل مەھا دەربازبویی بتنێ، ملیونەک و نیڤ لترێن گازوائیلێ ھاتینە مەزاختن.
ھەیڤانە رێژەیەکا مەزن یا گازوایلی ل ویزدگەھا بەرھەمی ئینانا کارەبێ ل کواشی دھێتە مەزاختن، و شارەزا وەسا دیار دکەن، ئەگەر حکومەتێ بڤێت و چ دەست ل پشت بکارئینانا گازوایلێ نەبن دێ غازا سروشتی بکار ئینن و ئەو دێ ل ھەردو لایان یا مفاداربیت.