مەسرور بارزانی پێشوازی لە باڵیۆزی پاکستان لە عێراق دەکات

مەسرور بارزانی پێشوازی لە باڵیۆزی پاکستان لە عێراق دەکات
مەسرور بارزانی پێشوازی لە باڵیۆزی پاکستان لە عێراق دەکات

K24 - هەولێر

سەرۆکی حکومەتی هەرێمی کوردستان پێشوازی لە باڵیۆزی پاکستان لە عێراق دەکات.

ئەمڕۆ دووشەممە، 23ـی ئۆکتۆبەری 2023، مەسرور بارزانی، سەرۆکی حکومەتی هەرێمی کوردستان، پێشوازی لە ئەحمەد ئەمجەد عەلی، باڵیۆزی پاکستان لە عێراق کرد، کە بەبۆنەی کۆتایی هاتنی ئەرکەکەی سەردانی کردبوو.

بە گوێرەی راگەیەندراوی حکومەتی هەرێمی کوردستان، لە دیدارەکەدا، بەهێزکردنی پەیوەندیى دوولایەنە بەتایبەتی لە بواری بازرگانی و وەبەرهێنان تاوتوێ کرا.

سەرۆکی حکومەت سوپاسی باڵیۆزی کرد بۆ کارکردنی لەپێناو پەرەپێدانی پەیوەندییەکانی هەرێمی کوردستان و پاکستان و هیوای سەرکەوتنی لە ئەرکی داهاتوویدا بۆ خواست.

باڵیۆزی پاکستان وێڕای ستایشکردنی پێشکەوتن و ئاوەدانیی هەرێم، پێزانینی خۆی بۆ لایەنە پەیوەندیدارەکانی حکومەتی هەرێمی کوردستان دەربڕی بۆ هاوکاری و پشتگیريیان لە سەرخستنی ئەرکەکەی.

وێنەیەکی دیکەی کۆبوونەوەکەی مەسرور بارزانی و باڵیۆزی پاکستان لە عێراق
وێنەیەکی دیکەی کۆبوونەوەکەی مەسرور بارزانی و باڵیۆزی پاکستان لە عێراق