وهزیری شارهوانی و سهرۆكی دهستهی ژینگه پیرۆزبایی له كوردستان24 دهكهن
K24 – هەولێر:
بۆ گهیاندنی پهیامی پیرۆزبایی ههشت ساڵهی دامهزراندنی كوردستان24، ئهمڕۆ (سێشهممه 31ـی تشرینی یهكهمی 2023)، ههریهك له ساسان عهونی وهزیری شارهوانی و گهشت و گوزار و عهبدولڕهحمان سدیق سهرۆكی دهستهی پاراستن و چاككردنی ژینگهی ههرێمی كوردستان، سهردانی دامهزراوهیی كوردستان24ـیان كرد، لهلایهن ئهحمهد زاوێتهیی بهڕێوهبهری گشتی دامهزراوه، پێشوازیان لێكرا.
ههردوولا پهیامی پیرۆزبایی و چهپكه گوڵیان پێشكهشی بهڕێوهبهر و كارمهندان و رۆژنامهنووسانی دامهزراوهیی كوردستان24 كرد.
لە (31ـی تشرینی یەکەمی 2015) دامەزراوەی کوردستان24 بۆ توێژینەوە و راگەیاندن دامەزراو و لەو کاتەوە بەردەوامە لە گەیاندنی هەواڵ و زانیارییەکان لە رێگەی میدیا جیاوازەکانییەوە، تەلەفزیۆن، رادیۆ، وێب سایت و پلاتفۆرمە جیاوازەکانی سۆشیال میدیاوە.
کوردستان24 لەم ماوەیەدا وەکو میدیایەکی پرۆفیشیناڵ، توانیویەتی پیشەییانە لە کوردستان و ناوچەکە و جیهان، هەواڵ و زانیاری بگوازێتەوە و رۆڵی گرنگی هەبووە لە پرسە نەتەوەیی و نیشتمانییەکان.
كوردستان24 لە رێگەی تۆڕێكی فراوانی پەیامنێران له كوردستان و زۆربەی وڵاتانی جیهان، بەخێرایی و بێلایەنانە، بە دوای رووداوەكاندا دهچێت و بەدواداچوونی وردی چركە بە چركەی ھەیە لەسەر ئەو بابەتانەی بۆ پێكھاتە جیاجیاكانی كوردستان جێگەی بایەخن، هاوسهنگی و بابهتیبوون و بهرپرسیاریهتی له رووماڵ و بهدواداچوونه رۆژنامهوانییهكان پهیڕەو دهكات و بە گوێرهی ستاندارده باوهكانی میدیایی و ئیتیكی رۆژنامهوانی کار دەكات.
کوردستان24 كاردهكات بۆ بڵاوكردنەوەی كولتووری لێبوردەیی و پێكهوهژیان و ئاشتەوایی و دیموكراسی و دادپهروهری و پاراستنی مافەكانی مرۆڤ لە كوردستان. كاردهكات بۆ بڵاوكردنەوەی كولتووری ژینگهپارێزی، پەروەردەیەكی تەندروست، بهرزكردنهوهی ئینتیمای تاك بۆ خاك و نیشتمان.