سه‌رۆك بارزانی په‌یامێكی سه‌ره‌خۆشی بڵاوكرده‌وه
K24 - هه‌ولێر:
به‌هۆی كۆچی دوایی خاتوو نەجیبە مەحموودخانی دزڵی، کچی مەحموودخانی دزڵی و هاوسەری مەرحوم شێخ ئەمین شێخ عەلائەددین نەقشبەندی، سه‌رۆك بارزانی په‌یامێكی سه‌ره‌خۆشی بڵاوكرده‌وه.
ده‌قی پەیامی سەرۆک بارزانی:
بەناوی خودای مەزن و دلۆڤان
بەداخێکی زۆرەوە هەواڵی کۆچی خاتوو (نەجیبەخانی کچی مەحموودخانی دزڵی و هاوسەری مەرحوم شێخ ئەمین شێخ عەلائەدین نەقشبەندی)ـم پێ گەیشت.
پرسە و سەرەخۆشیی خۆم ئاراستەی تەواوی بنەماڵەی مەحموودخان و بنەماڵەی نەقشبەندی و خزم و کەسوکار و ئاشنایانیان دەکەم و خۆم بە هاوبەشی خەمیان دەزانم.
لە خودای مەزن داواکارم ڕۆحی خوالێخۆشبوو نەجیبەخان بە بەهەشتی بەرین شاد بکات و سەبر و ئارامی بە هەموو لایەک ببەخشێت.
انا لله و انا الیە راجعون
مسعود بارزانی
1ی تشرینی دووەمی 2023