بوومەلەرزەیەک بە گوڕی 5.7 پلە میانماری هەژاند
K24 - هەولێر:
لە ویلایەتی شان لە ڕۆژهەڵاتی میانمار، بوومەلەرزەیەک بە گوڕی 5.7 پلە بەپێوەری رێختەر روویدا.
ناوەندی توێژینەوەی جیۆلۆجی ئەمه‌ریکا (USGS)، بڵاویکردەوە، چەقی ئەو بوومەلەرزەیەی ئه‌مڕۆ (هه‌ینی 17ـی تشرینی دووه‌می 2023) بە گوڕی 5.7 پلە روویداوە، 76 کیلۆمەتر باشووری رۆژهەڵاتی قەزای کینگ تونگی ویلایەتی شانە.
بەپێی ئامارە بەراییەکان، بوومەلەرزەکە کە لە قووڵایی 10 کیلۆمەتر روویداوە، زیانی گیانیی و ماڵیی نەبووە.
میدیای تایلاند بڵاویکردەوە، لە وڵاتەکەیاندا هەست بە هێزی بوومەلەرزەکە کراوە.