مه‌سرور بارزانی: پەرەپێدانی کولتووری بەیەکەوەژیانی ئاشتییانەی نێوان پێکهاتەکان دووپات دەکەینەوه
K24 - هەولێر:
سه‌رۆكوه‌زیران مه‌سرور بارزانی رایده‌گه‌یه‌نێت، رۆژی زمان و کولتووری تورکمانی پیرۆز بێت. هه‌روه‌ها ده‌شڵێت: پەرەپێدانی کولتووری بەیەکەوەژیانی ئاشتییانەی نێوان پێکهاتەکانی کوردستان دووپات دەکەینەوە.
له‌هه‌ژماری تایبه‌تی خۆی له تۆڕی كۆمه‌ڵایه‌تی ئێكس، مه‌سرور بارزانی سه‌رۆكوه‌زیرانی هه‌رێمی كوردستان، به‌بۆنه‌ی رۆژی زمان و کولتووری تورکمانی نووسیویه‌تی: "رۆژی زمان و کولتووری تورکمانی پیرۆز بێت".
مه‌سرور بارزانی هه‌روه‌ها نووسیوویه‌تی: "لەم بۆنەیەدا پابەندبوونی حکومەتی هەرێمی کوردستان بە پاراستنی مافی گشت پێکهاتەکان و پەرەپێدانی کولتووری بەیەکەوەژیانی ئاشتییانەی نێوان پێکهاتەکانی کوردستان دووپات دەکەینەوە".
لە دانیشتنی پەرلەمانی کوردستانی رۆژی25ـی کانوونی یەکەمی ساڵی 2019، رۆژی 25ـی شوبات وەکو رۆژی رۆژنامەگەریی تورکمانی و رۆژی 17ـی تشرینی دووەمیش وەکو رۆژی فەرمی زمان و کولتووری تورکمان ناسێندرا و بە دەنگی رەھای پەرلەمانتاران پەسەندکرا.
ڕۆژی زمان و کولتووری تورکمانی پیرۆز بێت. لەم بۆنەیەدا پابەندبوونی حکومەتی هەرێمی کوردستان بە پاراستنی مافی گشت پێکهاتەکان و پەرەپێدانی کولتووری بەیەکەوەژیانی ئاشتییانەی نێوان پێکهاتەکانی کوردستان دووپات دەکەینەوە. pic.twitter.com/BC92ocquBV
— Masrour Barzani (@masrourbarzani) November 17, 2023