مەریەم موشیری: له كۆڕبهندی مێپس سهرۆكوهزیران مهسرور بارزانی راشكاوانه وهڵامی پرسیارهكانی دایهوه
K24 – هەولێر:
مەریەم موشیری، رۆژنامەنووسی بەنێوبانگی BBC لهبارهی ههڤپهیڤینهكهی لهگهڵ سهرۆكوهزیرانی ههرێمی كوردستان مهسرور بارزانی له كۆڕبهندی مێپس2023 رایگهیاند، خۆشحاڵم كه دیدارم لهگهڵ سهرۆكوهزیرانی ههرێمی كوردستان ئهنجامدا، ئهو كهسێكی باشه و وهڵامی تهواوی پرسیارهكانی دایهوه. گوتیشی: "سهرۆكوهزیرانی ههرێمی كوردستان وهك سیاسهتمهداره بهریتانییهكان نییه و ئهوان له دیدارهكاندا وهڵامی ههموو پرسیارێك نادهنهوه".
موشیری راشیگهیاند، نهك بۆ خهڵكی كوردستان، بۆ جیهانیش، سهرۆكوهزیران مهسرور بارزانی وهڵامی دروست و راشكاوانهی پرسیارهكانی دایهوه، بڕوام وایه من گهیشتمه دهرهنجام كه ئهو دهیهوێت بڵێت چی.
ئهو رۆژنامهنووسهی BBC راشیگهیاند، ههروهك سهرۆكوهزیران مهسرور بارزانی رایگهیاند، كۆڕبهندی مێپس وا دهكات كوردستان ببێته بهرهی پێشهوهی سیاسهتی جیهانی لهبارهی ئهو رووداوانهی كه له رۆژههڵاتی ناوهڕاست روودهدهن.
ههروهها لهبارهی رۆڵی ئافرهتی كورد مەریەم موشیری گوتی: "بڕوام وایه ئافرهتانی كوردستان زۆر بههێزن و پهروهردهی دروست كراون، دهبێت ههلی باشیان پێبدرێت".
دوێنێ 20/11/2023، بە ئامادەبوونی نێچیرڤان بارزانی سەرۆکی هەرێمی کوردستان و مەسرور بارزانی سەرۆکی حکومەتی هەرێمی کوردستان و ژمارەیەکی زۆر لە کەسایەتیی سیاسی و لێکۆڵەر و توێژەر و ئەکادیمیی ناسراوی هەرێمی کوردستان و عێراق و رۆژهەڵاتی ناوەڕاست و ئەوروپا و باکووری ئەمەریکا، کۆڕبەندی ئاشتی و ئاسایشی رۆژهەڵاتی ناوەڕاست ناسراو بە MEPS لە زانکۆی ئەمەریکی کوردستان لە دهۆک دەستپیپێکرد و ئهمڕۆ كه كۆتا رۆژی پانیلهكه بوو بهردهوام بوو.
چوارەمین کۆڕبەندی ئاشتی و ئاسایشی رۆژهەڵاتی ناوەڕاست (MEPS 2023) لە زانکۆی ئەمەریکی کوردستان – دهۆک لە رۆژانی (19-21ـی تشرینی دووەمی 2023) بەڕێوەچوو.
لە کۆڕبەندەکەدا چەندین پانێلی بەڕێوەچوون کە تایبەت بوون بە ئەجێندای چوارەمین کۆڕبەندی ئاشتی و ئاسایشی رۆژهەڵاتی ناوەڕاست، کە بریتی بوو لە دۆخی عێراق و هەرێمی کوردستان، ئالنگاری ئەمنی، ئابووری و سیاسی، بارودۆخی ئەمنی رۆژهەڵاتی ناوەڕاست، گۆڕانەکانی کەشوهەوا و رووبەرووبوونەوەی ئالنگارییەکان و کەمکردنەوەی گرژییەکان.
کۆڕبەندی ئاشتی و ئاسایشی رۆژهەڵاتی ناوەڕاست، کۆڕبەندێکی ساڵانەیە لەلایەن زانکۆی ئەمەریکی کوردستان لە دهۆک رێکدەخرێت، بۆ یەکەم جار لە ساڵی 2019 بەڕێوەچوو، ئەمساڵیش چوارەمین کۆڕبەند بەڕێوە چوو و سێ رۆژ بەردەوام بوو.