فوئاد حوسێن و رۆمانۆوسكی ئاگربهستی غهززهیان تاووتوێكرد
K24 – هەولێر:
باڵیۆزی ئهمهریكا له عێراق رایدهگهیهنێت، لهگهڵ یاریدهدهری سهرۆكوهزیران و وهزیری دهرهوهی عێراق تاووتوێی جهنگی غهززه و پهیوهندییهكانی بهغدا و واشنتنمان كرد.
له تۆڕی كۆمهڵایهتی ئێكس، ئهلینا رۆمانۆوسكی باڵیۆزی ئهمهریكا لهعێراق نووسیوویهتی: "لهگهڵ دكتۆر فوئاد حوسێن یاریدهدهری سهرۆكوهزیران و وهزیری دهرهوهی عێراق، تاووتوێی ئاگربهست و وهستانی شهڕمان له غهززه كرد.
رۆمانۆوسكی ههروهها نووسیوویهتی: "عێراق و ئهمهریكا رۆڵێكی كاریگهر له سهقامگیری ناوچهكه و پێشكهشكردنی یارمهتی مرۆیی دهگێڕن".
پێشتر وەزارەتی بەرگری ئەمهریكا (پنتاگۆن) ئاشكرایكردبوو، لەیەك مانگدا هێزەكانیان لە عێراق و سووریا لانیكەم 70 هێرشیان كراوەتەسەر، كه بههۆی پشتگیری ئهمهریكا بۆ ئیسرائیل له جهنگی غهززه، بهرهی مقاوهمهی عێراق دهستیكردووه بههێرشكردن بۆسهر بنكه سهربازییهكانی ئهمهریكا له عێراق و سووریا.
رۆژی 24/11/2023، ئاگربەستی نێوان حەماس و ئیسرائیل چووە بواری جێبەجێکردنەوە،و 26 بارمتەی ئیسرائیلی و 78 هاووڵاتی فەڵەستینی ئازاد کران.
لە 22/11/2023، وەزارەتی دەرەوەی قەتەر رایگەیاند، بە هاوبەشی لەگەڵ میسر و ئەمەریکا سەرکەوتوو بوون لە رێککەوتن بۆ ئاگربەستی مرۆیی لە کەرتی غەززە، دوای 48 کاتژمێر بە ئاڵۆگۆڕی بارمتە ئیسرائیلییەکان و هاووڵاتییانی فەڵەستینی ئاگربەستەکە بە کردەیی چووە بواری جێبەجێکردنەوە.
لە 7ـی ئۆکتۆبەر بزووتنەوەی حەماس هێرشی کردە سەر ئیسرائیل، زیاتر لە 1400 ئیسرائیلی کوژراون و زیاتر له ههزاریشیان بریندارن، هەروەها زیاتر لە 240 ئیسرائیلی وەک بارمتە لەلایەن ئەو حەماسەوە دهستبهسهر كرابوون.
هەروەها بەهۆی هێرشە چڕەکانی ئیسرائیلیش 14 هەزار و 854 کەس لە کەرتی غەززە کوژراون، کە لە نێو کوژراوەکاندا شەش هەزار و 150 منداڵ و چوار هەزاریش ئافرەتن.
اجتماع مثمر مع نائب رئيس الوزراء ووزير الخارجية @Fuad_Husseein. ناقشنا مجالات التعاون الثنائية والتطورات الإقليمية بما في ذلك توقف القتال في #غزة. الولايات المتحدة والعراق يلعبان دوراُ أساسياً في استقرار المنطقة وتقديم المساعدات الإنسانية. #الشراكة_الأمريكية_العراقية_الشاملة. pic.twitter.com/YFIi82XlAP
— Ambassador Alina L. Romanowski (@USAmbIraq) November 26, 2023