وه‌زاره‌تی كاره‌با: بەهۆی گرفتێکی تەکنیکییەوە کوژانەوەی گشتی لە سیستەمی کارەبا روویداوه
K24 – هەولێر:
له‌میانه‌ی روونكردنه‌وه‌یه‌كدا وه‌زاره‌تی كاره‌بای حكومه‌تی هه‌رێمی كوردستان رایده‌گه‌یه‌نێت، بەهۆی گرفتێکی تەکنیکییەوە، کوژانەوەی گشتی لە سیستەمی کارەبای هەرێم روویدا و تیمەكانی وەزارەتی كارەبا سەرقاڵی چارەسەرکردنی کێشەکە و گەڕانەوەی كارەبای گشتین.
له روونكردنه‌وه‌كه‌دا هه‌روه‌ها هاتووه: بەمزووانە کێشەی کوژانەوەی گشتی چارەسەر دەکرێت.
ده‌قی روونکردنەوەكه‌ی وەزارەتی كارەبا:
بەهۆی گرفتێکی تەکنیکییەوە، کوژانەوەی گشتی لە سیستەمی کارەبای هەرێم روویدا و تیمەكانی وەزارەتی كارەبا سەرقاڵی چارەسەرکردنی کێشەکە و گەڕانەوەی كارەبای گشتین و بەم زووانە کێشەی کوژانەوەی گشتی چارەسەر دەکرێت.
ئێوارەی رۆژی پێنجشەممه، بەهۆی گرفتێكی تەكنیكییەوە، تەواوی یەكەكانی بەرهەمهێنانی كارەبای هەرێم كوژانەوە و تیمەکانی وەزارەتی كارەبا دەمودەست کێشەکەیان چارەسەر كرد. بەڵام كاتژمێر (1:00)ی شەو بۆ جاری دووەم كوژانەوەی گشتی ڕوویدا و، ئێستا تیمەكانی کارەبای هەرێم سەرقاڵی ئاساییكردنەوەی دۆخی سیستەمی كارەبای هەرێمی كوردستانن و بەم نزیكانە چارەسەر دەکرێت.
وەزارەتی كارەبا
2023/12/1