رووسیا: لە ماوەی 24 کاتژمێری رابردوودا نزیکەی 750 سەربازی ئۆکرانیا کوژراون

سووپای رووسیا
سووپای رووسیا

K24 – هەولێر:

وەزارەتی بەرگری رووسیا لەمیانەی راگەیەندراوێکدا رایدەگەیەنێت، لە ماوەی 24 کاتژمێری رابردوودا نزیکەی 750 سەربازی ئۆکرانیایان کوشتووە.

ئەمڕۆ یەکشەممە (3ـی کانونی یەکەمی 2023) وەزارەتی بەرگری رووسیا، راگەیەندراوێکی بڵاوکردووە و تێیدا هاتووە،کە سوپاکەیان لە ماوەی 24 کاتژمێری رابردوودا بە هێرشی چڕی مووشەکی، زیاتر لە 5 بنکە و پێگەی سەربازانی سوپای ئۆکرانیا پێکاوە و نزیکەی 750 سەربازییان کوشتووە.

راگەیەندراوەکەی وەزارەتی بەرگری رووسیا باس لەوەش دەکات، توانیوییانە 8 فڕۆکەی بێفڕۆکەوان و دوو مووشەک لە جۆری S-200 و موشەکێک لە جۆری "هیمارس" تێکبشکێنن.

له‌ 24ـی شوباتی 2022، به‌ فه‌رمانی ڤلادیمێر پوتنی سه‌رۆكی رووسیا هێرشكرایه‌سه‌ر خاكی ئۆكرانیا و به‌هۆیه‌وه‌ هه‌زاران كه‌س له‌ سه‌ربازان و هاووڵاتیان كوژراون و ملیۆنه‌ها ئۆكرانیش ئاواره‌ی وڵاتانی ئه‌وروپی بوون، تا ئێستاش ئه‌و جه‌نگه‌ به‌رده‌وامه‌.