حکومەتی هەرێمی کوردستان زیانەکانی بەنداوی دەربەندیخان چارەسەر دەکات
K24-هەولێر
وەزارەتی کشتوکاڵ و سەرچاوەکانی ئاو ئاشکرای کردووە، حکومەتی هەرێمی کوردستان سەرباری قەیرانی دارایی، بە زیاتر لە دوو ملیار دینار زیانەکانی بەنداوی دەربەندیخان چارەسەر دەکات.
ئەمڕۆ دوو شەممە(4-ی کانوونی یەکەمی 2023)، وەزارەتی کشتوکاڵ و سەرچاوەکانی ئاوی حکومەتی هەرێمی کوردستان لە راگەیەندراوێکدا ئاشکرای کردووە، بەردەوامن لە چارەسەر کردنی زیانەکانی بەنداوی دەربەندیخان .
بەپێی راگەیاندراوەکەی وەزارەتی کشتوکاڵ و سەرچاوەکانی ئاو، حکومەتی هەرێمی کوردستان دوو ملیار و دووسەد و هەشتا ملیۆن دیناری بۆ ئەو پرۆژەیە تەرخانکردووە و بەڕێوەبەرایەتی گشتی بەنداو و کۆگاکانی ئاو سەرپەرشتی جێبەجێکردنی دەکات.
وەزارەتی کشتوکاڵ رایدەگەیەنێت، سەرەڕای قەیرانی دارایی، 75٪ ی کارەکانی پرۆژەی چاککردنەوەی زیانەکانی بەنداوی دەربەندیخان کە بەهۆی بوومەلەرزەوە پێی گەیشتووە، جێبەجێکراوە و کاری بەردەوامیشی تێدا دەکرێت.
کارزان حەیدەر