لە کەرکووک 50 شوێنەوار دۆزرانەوە
K24 - هەولێر:
دەستەی گشتی شوێنەوار و کەلەپووری عێراق دۆزینەوەی 50 شوێنەوار و شوێنی کەلەپووری لە کەرکووک راگەیاند.
ئەمڕۆ پێنجشەممە (7ـی کانوونی یەکەمی 2023) دەستەی گشتی شوێنەوار و کەلەپووری عێراق رایگەیاند، نزیکەی 50 شوێنی کەلەپووری و شوێنەواری تازەیان لە پارێزگای کەرکووک دۆزیوەتەوە.
دەستەی گشتی شوێنەوار و کەلەپووری عێراق ئاماژەی بەوە کردووە، لە ئەنجامی کنە و پشکنینی تیمە شارەزاکانی شوێنەوار و کەلەپوور، 15 شوێنی کۆن و 30 خانووی دۆزیوەتەوە کە دەچنە خانەی شوێنەوارە زۆر کۆنەکان.
هادی محەمەد لە لیژنەی کنە و پشکنین رایگەیاند، تیمەکانیان لە گەڕەکی ئیمام قاسم لە ناوەڕاستی شار و کەناری رووباری زاب دەستیان بە گەڕان کردووە، پێشبینی دەکات بەر لە تەواوبوونی ئەو گەڕەی کنین و پشکنینیان، شوێنی دیکەی کەلەپووری و شوێنەواری کۆن بدۆزنەوە.
کارزان حەیدەر