سەنگەر کانەبی: پارتی سەرکەوتنێکی گەورەی لە سنووری لقی 23 بەدەستهێناوە
K24 – هەولێر:
سەنگەر کانەبی بەرپرسی لقی 23ی پارتی دیموکراتی کوردستان بە کوردستان24ی راگەیاند: بەپێی ئەنجامەکانی بەرایی هەڵبژاردنی ئەنجوومەنی پارێزگای نەینەوا، لیستی پارتی دیموکراتی کوردستان لە سنووری لقی 23 کە ناوچەکانی( گوێڕ، مەخموور، قەراج، کەندێناوە، مەلا قەرە و سەرگەڕان) دەگرێتەوە، سەرکەوتنی گەورەی بەدەستهێناوە و دەنگی یەکەمی ئەو ناوچانە بووە.
بەرپرسی لقی 23ی پارتی دیموکراتی کوردستان ئاماژەی بەوەکرد، بەراورد لەگەڵ پارت و لایەنە سیاسیەکان و لیستەکانی دیکە لە ناوچەکە، پارتی بە رێژەیەکی زۆر لەسەرەوەیە لە سەرکەوتنە، لەگەڵ ئەوەی پارتی تەنها پشتی بە دەنگەکانی خۆی بەستبوو لە لایەنگران و دۆستان و هەوادارانی، هەر بەو دەنگانە پارتی بە پێشەنگی مایەوە لە سنوورەکە.
کارزان حەیدەر