سەرۆک بارزانی پیرۆزبایی جەژنی قەوڵتاس لە کاکەییەکان دەکات
K24 – هەولێر:
سەرۆک بارزانی پیرۆزبایی جەژنی قەوڵتاس لە کاکەییەکان دەکات و جەخت لە بەهێزتركردنی كولتووری پێکەوەژیانی گەلی کوردستان و پاڵپشتیكردنی ماف و داواكانی پێكهاتەكان دەکاتەوە.
رۆژی پێنجشەممە (25ـی کانوونی دووەمی 2024) سەرۆک بارزانی پەیامێکی بڵاوکردەوە و تێیدا هاتووە: بە بۆنەی هاتنەوەی جەژنی (قەوڵتاس)ـی كاكەییەكان پیرۆزبایی خۆم ئاراستەی سەرجەم خوشك و برایانی كاكەیی لە كوردستان و هەموو جیهان دەكەم.
سەرۆک بارزانی ئاماژەی بەوەکردووە: هیوادارم خوشک و برا کاکەییەکانمان و تێكڕای پێکهاتە ئایینی و نەتەوەییەکانی کوردستان هەردەم جەژن و بۆنەكانیان لە ئارامی و خۆشیدا بکەنەوە.
هەروەها لە بەشێکی دیکەی پەیامەکەیدا، سەرۆک بارزانی نووسیویەتی: لەو بۆنەیەدا جەخت لە بەهێزتركردنی كولتووری پێکەوەژیانی گەلی کوردستان و پاڵپشتیكردنی ماف و داواكانی پێكهاتەكان دەکەینەوە.
دەقی پەیامی سەرۆك بارزانی بە بۆنەی جەژنی قەوڵتاس
بەناوی خودای بەخشندە و میهرەبان
بە بۆنەی هاتنەوەی جەژنی (قەوڵتاس)ـی كاكەییەكان پیرۆزبایی خۆم ئاراستەی سەرجەم خوشك و برایانی كاكەیی لە كوردستان و هەموو جیهان دەكەم.
هیوادارم خوشک و برا کاکەییەکانمان و تێكڕای پێکهاتە ئایینی و نەتەوەییەکانی کوردستان هەردەم جەژن و بۆنەكانیان لە ئارامی و خۆشیدا بکەنەوە.
لەو بۆنەیەدا جەخت لە بەهێزتركردنی كولتووری پێکەوەژیانی گەلی کوردستان و پاڵپشتیكردنی ماف و داواكانی پێكهاتەكان دەکەینەوە.
بمێنن لە خێر و خۆشیدا.
مسعود بارزانی
25ی كانوونی دووەمی 2024