سۆران...لە یادی راپەڕین و رۆژی جلی كوردی چەندین چالاكی ئەنجامدران

K24 - سۆران:

لە یادی راپەڕینی سۆران و رواندز و رۆژی جلی كوردی چین و توێژەكانی سۆران چەندین چالاكی جۆرا و جۆریان ئەنجامدا و دەستكەوتەكانی راپەڕین بەرز دەنرخێنن.

ھاوكات لە گەڵ رۆژی جلی كوردی ئەمڕۆ یادی 25ساڵەی راپەڕینی ساڵی 1991ی خەڵك ھەردوو شارۆچكەی سۆران و رواندزە كە لە رۆژێكی وەك ئەمڕۆدا دژی دامودەزگاكانی رژێمی بەعس راپەڕین، بەم بۆنەیەوە چین و توێژەكانی ئەو ناوچەیە جلی كوردیان پۆشی و چەندین چالاكیان ئەنجامدا.

ھەروەھا دانیشتووانی دەڤەری سۆران لەو رۆژەدا دەستكەوتەكانی راپەڕین بە گرنگ وەسف دەكەن و سڵاو ئاراستەی پێشمەرگەكان دەكەن كە ئێستا بۆ پاراستنی نیشتمان لە سەنگەرەكانی بەرگریدان.