سەرۆک بارزانی پێشوازی لە بەرپرسی دەزگای نەتەوەیی هەواڵگریی تورکیا دەکات
K24 – هەولێر:
سەرۆک بارزانی لەمیانی پێشوازیکردنی لە بەرپرسی دەزگای نەتەوەیی هەواڵگریی تورکیا، جەختیان لەسەر هەماهەنگی نێوان هەرێمی کوردستان و تورکیا بۆ پاراستنی ئارامی و سەقامگیری کردەوە.
رۆژی یەکشەممە (28ـی کانوونی دووەمی 2024) لە سەڵاحەددین سەرۆک مەسعود بارزانی پێشوازی لە ئیبراهیم کاڵن، بەرپرسی دەزگەی نەتەوەیی هەواڵگریی تورکیا کرد.
لە دیدارەکەدا بیروڕا لەبارەی بارودۆخی سیاسی و دواپێشهاتەکان لەسەر ئاستی ناوچەکە و پرسی هەڕەشەی تیرۆر ئاڵوگۆڕ کرا.
هەر لەو دیدارەدا جەخت لەسەر پەیوەندییەکانی نێوان هەرێمی کوردستان و تورکیا و هەماهەنگییەکان بۆ پاراستنی ئارامی و سەقامگیری کرایەوە.