بە وێنە؛ خۆپیشاندانی خەڵکی چەمچەماڵ لە دژی هێرشەکەی سەر هەولێر
K24 - هەولێر
بەیانیی ئەمڕۆ دووشەممە، 29-01-2024، کاتژمێر 10:00، خۆپیشاندانی فراوانی خەڵکی چەمچەماڵ، لە دژی هێرشە مووشەکییە بالیستییەکەی سوپای پاسدارانی ئێران بۆ سەر هەولێر دەستیپێکرد.
خۆپیشاندەران بە پەیامنێری کوردستان24ـیان راگەیاند، "ئامانجمان لەم خۆپیشاندانە، سەرکۆنەکردنی ئەو هێرشە تیرۆریستییەیە کە لەلایەن سوپای پاسدارانی ئێرانەوە کرایە سەر شاری هەولێر و بەهۆیەوە ژمارەیەک هاووڵاتیی سڤیل شەهید و برینداربوون. داوا لە کۆمەڵگەی نێودەوڵەتی و ئەنجوومەنی ئاسایش دەکەین هەنگاو بنێن بۆ دانانی سنوورێک بۆ ئەو هێرشانەی دەکرێنە سەر هەرێمی کوردستان".