توركیا: ئاستی ئاڵوگۆڕە بازرگانییەكانمان دەگەیەنینە 100 ملیار دۆلار
K24 - ھەولێر
سەرۆك كۆماری توركیا رایگەیاند، ئامانجمانە ئاستی ئاڵوگۆڕە بازرگانییەكانی نێوان رووسیاو توركیا ساڵانە بگەینینە 100 ملیار دۆلار.
رەجەب تەیب ئەردۆغان لەسەردانەكەیدا بۆ رووسیا و لەكۆنگرەیەكی رۆژنامەوانیدا لەگەڵ ھاوتا رووسیەكەی رایگەیاند، لەكۆبونەوەكەماندا گفتوگۆمان لەبارەی خێرا دەستپێكردنەوەی گەشتە ئاسمانییەكانی نێوانمان كردووە و لەماوەیەكی نزیكیشدا گەشتەكان دەست پێدەكەنەوە.
ئەردۆغان لەكۆنگرە رۆژنامەوانەیەكەدا لەبارەی پڕۆژەی گواستنەوەی گازی رووسیا لە رێگەی پڕۆژەی تورك ستریم بۆ ئەوروپا ئاماژەی بەوەكرد ، ھەردوولا ھەوڵدەدەین بەزووترین كات كۆتایی بەو پڕۆژەیە بھێنین و لەماوەیەكی كورتدا دەست بەھەناردەی گاز بكەین بۆ ئەوروپا.