دەستووری ئێران هەشت نوێنەری پارێزگاکانی رۆژهەڵاتی کوردستانی رەتکردەوە

دەستووری ئێران
دەستووری ئێران

K24 – هەولێر

دەستووری ئێران لە دواین پێداچوونەوەدا ژمارەیەک لە ئەندامانی خولی ئێستای پەرلەمانی وڵاتەکەی، هەشت نوێنەری پارێزگاکانی رۆژهەڵاتی کوردستانی رەتکردەوە.

ئەمڕۆ شەممە، 10ـی شوباتی 2024، دەستووری ئێران ڕایگەیاند، لە دواین پێداچوونەوەدا شیاوبوونی ژمارەیەک لە ئەندامانی خولی ئێستای پەرلەمانی وڵاتەکەی رەت کردەوە کە  هەشت کەسیان نوێنەری خولی ئێستای پارێزگاکانی رۆژهەڵاتی کوردستانن.

لە پارێزگای ورمێ، جەلال مەحموودزادە، نوێنەری مهاباد و، مەهدی عیسازادە، نوێنەری میاندواو.

هەروەها لە پارێزگای سنە، سەید مەهدی فەرشادان، نوێنەری سنە، دیواندەرە و کامیاران و مەهدی فەتحی، نوێنەری سنە، دیواندەرە و کامیاران. لە پارێزگای کرماشانیش، شەهریار حەیدەری، نوێنەری قەسری شیرین، سەرپێڵی زەهاو و گێڵان.

لە پارێزگای ئیلام، عەلی ئەکبەر بەستامی، نوێنەری ئیلام، ئەیوان، سیروان، چارداوڵ و مێهران، هەروەها بێهزاد عەلیزادە، نوێنەری دێلوڕان، دەرەشار و ئاودانان.

لەلایەکی دیکەوە لە پارێزگای لوڕستان، محەمەد خودابەخشی، نوێنەری ئەلیگوودەرز.

هاوکات شیاوبوونی 13 پەرلەمانتار و بەرپرسی پێشووتری کورد بۆ بەشداری لە کێبڕکێکانی ئەم خولەی پەرلەماندا رەت کراوەتەوە.