سەرچاوەیەک لە پۆلیسی هەولێر بۆ کوردستان24: بکوژی دوو براکەی کەرکووک دەستگیرکرا

پۆلیسی هەولێر
پۆلیسی هەولێر

K24 – هەولێر:

سەرچاوەیەک لە پۆلیسی هەولێر بە کورستان24ـی راگەیاند، دوای ئەوەی دوێنێ شەو دوو برا لە کەرکووک کوژران و بکوژەکەی هەڵاتبوو، ئەمڕۆ لەلایەن پۆلیسی هەولێرەوە بە هەماهەنگی هێزەکانی ئاسایشی هەولێر دەستگیرکرا.

رۆژی دووشەممە (12ـی شوباتی 2024) سەرچاوەیەک لە بەڕێوەبەرایەتی پۆلیسی هەولێر بۆ کورستان24 ئاشکرایکرد، بکوژی دوو براکەی کەرکووکیان لە هەولێر دەستگیرکردووە.

شەوی رابردوو (11ـی شوباتی 2024) پەیامنێری کوردستان24 رایگەیاند، لەگەڕەکی دەروازەی کەرکووک دوو برا بەناوەکانی عادل جەبار و یەحیا جەبار لەلایەن ئامۆزایەکی خۆیانەوە کوژران.

لەبارەی رووداوەکەوە سەرچاوەیەک لە پۆلیسی کەرکووک بە کوردستان24ـی راگەیاند، رووداوەکە لە ئەنجامی کێشەیەکی کۆمەڵایەتییە بووە و بکوژەکە بەرەو شوێنێکی نادیار هەڵاتووە.

ئەو سەرچاوەیەی پۆلیسی کەرکووک ئاماژەی بەوەشدا، کوژراوەکان و بکوژ پێشینەی تاوانیان هەیە و پێشتر سکاڵایان لەسەر تۆمارکراوە و زیاتر گوتیشی، هەردوولا لە بنەماڵەی قەرەجەکانن.