ئاسایشی دهۆک دوو کەسی دەستگیرکرد؛ "پێنج هەزار دۆلاری ساختەیان پێ بووە"

ئاسایشی دهۆک دوو کەسی دەستگیرکرد 5 هەزار دۆلاری ساختەیان پێ بووە
ئاسایشی دهۆک دوو کەسی دەستگیرکرد 5 هەزار دۆلاری ساختەیان پێ بووە

K24 - هەولێر

بەڕێوەبەرایەتیی ئاسایشی گشتیی پارێزگای دهۆک دوو کەسی دەستگیرکرد کە بڕی پێنج هەزار دۆلاری ئەمەریکی ساختەیان پێ بووە.

ئەمڕۆ سێشەممە، 13-02-2024، بەڕێوەبەرایەتیی ئاسایشی گشتیی پارێزگای دهۆک لە راگەیەندراوێکدا ئەوەی خستەڕوو، تیمەکانیان لە ئۆپەراسیۆنێکدا دوو کەسیان دەستگیرکردووە کە بڕی پێنج هەزار دۆلاری ئەمەریکیی ساختەیان پێ بووە و بۆ "قومارکردن" بەکاریان هێناوە.

هەردوو تۆمەتبارەکە، وەکو ئەوەی لە راگەیەندراوەکەدا هاتووە، بە گوێرەی ماددەی 281 لە یاسای سزادان، رەوانەی دادگا کراون و لێپێچینەوەی یاساییان لەگەڵدا دەکرێت.

بەڕێوەبەرایەتیی ئاسایشی گشتیی پارێزگای دهۆک داوا لە هاووڵاتییان دەکات هەر کاتێک گومانیان لە بوونی کارێکی ساختەکاری کرد، دەستبەجێ پەیوەندی بە ژمارە (106)ـی بەڕێوەبەرایەتییەکەیان بکەن.

 

دەقی راگەیەندراوەکەی بەڕێوەبەرایەتیی ئاسایشی گشتیی پارێزگای دهۆک
دەقی راگەیەندراوەکەی بەڕێوەبەرایەتیی ئاسایشی گشتیی پارێزگای دهۆک