ئۆژین نەوزاد گۆرانییەکی نوێی بڵاوکردەوە

K24 - هەولێر

گۆرانیبێژ ئۆژین نەوزاد، گۆرانییەکی نوێی بە ناوی (عەجەب) لە چەناڵی یوتیوبی خۆی بڵاوکردەوە.

گۆرانیبێژ ئۆژین نەوزاد، دەربارەی بەرهەمە نوێیەکەی بە  کوردستان24ـی راگەیاند: ماوەیەکە خەریکی تۆمارکردنی ئەو بەرهەمە نوێیەم.

گوتیشی: ئەو بەرهەمەم لای من زۆر تایبەت و جیاوازە، بەشێوەیەکی زۆر جوان کارم لەسەر کردووە و هیوادارم بەدڵی گوێگرانم بێت.

نەوزاد دەشڵێ: بەرهەمە نوێیەکەم لە نووسینی بەختیار بال ئەفکانە و ئاوازی فەرزاد فەرەجییە، کاری ئەرەنجمێنتی لەلایەن بابەکەوە بۆم ئەنجامدراوە.

ئۆژین نەوزاد یەکێکە لە هونەرمەندە گەنجەکان و خاوەنی چەندین بەرهەم و ڤیدیۆ کلیپە، لە ئێستادا نوێترین بەرهەمی بەناوی "عەجەب" بڵاوکردۆتەوە.