پارێزەرێکی کورد سکاڵا لەسەر حکومەتی عێراق و وەزارەتی دارایی تۆمار دەکات

ئاد دۆسکی، پارێزەر
ئاد دۆسکی، پارێزەر

K24 – هەولێر

پارێزەرێکی کورد دەڵێت، لە دادگای فیدراڵی سکاڵای لە دژی حکومەتی عێراق و وەزارەتی دارایی ئەو وڵاتە تۆمارکردووە و سکاڵاکەی پەسەند کراوە. 

ئەمڕۆ سێشەممە، 27ـی شوباتی 2024، ئازاد دۆسکی، پارێزەر بە کوردستان24ـی راگەیاند، جگە لە دەستوورە یاساییەکە ئەگەر بێت و بگەڕیینەوە بۆ رووە دەستوورییەکی عێراق ساڵی 2005، ئەم دادگایەی عێراقیش کە بە دادگا دەستوورییەکان ناسراوە، بەپێی ماددەی 121 بڕگەی (ج) دەستوور جارێ نایەمە سەر یاسایی بودجە ژمارە 13 بۆ ساڵەکانی 2023، 2024 و 2025 دانراوە، ماددەی 121 بڕگەی (ج) دەستوور زۆر بە روونی دەڵێت: "پێویستە بەشێک لە داهاتی فیدڕاڵی دەستنیشان بکرێت بۆ هەرێمەکان و پارێزگاکان". ئەمە زۆر روونە و هەر لەسەر ئەم بنەمایەش سکاڵایەکم لەسەر ئەو دادگایە تۆمارکرد و ئەمڕۆش ئەو سکاڵایە پەسەند کرا.

بەگوتەی ئەو پارێزەرە: "بابەتێکی دیکە کە پەیوەستە بە یاسای بودجە، لە یاسای بودجە ئەوەی پەیوەستە بە هەرێمی کوردستانەوە، پابەند بوونەکانی لە بڕگەی 1 هاتووە کە پێویستە هەرێمی کوردستان رۆژانە 400 هەزار بەرمیل نەوت رادەستی حکومەتی فیدڕاڵی بکات. ئێستا حکومەتی هەرێم دەڵێت وەرە نەوتەکەت رادەستکەم ئەو لەوبەرەوە لە دادگای پاریسی نێودەوڵەتی سکاڵای کردووە. ئەم نەوتەش لە یاسای بودجەدا ئاماژەی پێکردووە کە دەبێت ئەم نەوتە بە بۆڕییە نەوتەکانی هەرێم بۆ جیهان بڕوات و بفرۆشرێتەوە. بڕگەیەکی دیکەشی تێدایە کە دەڵێت ئەگەر نەتوانرا لە هەر رێگای یەکی دیکەوە هەناردە بکرێت، حکومەتی هەرێم بیدات بە حکومەتی عێراقی بۆ پێداویستییەکانی ناوخۆ بەکاری بهێنێت".