نوێنه‌رى پۆتين سه‌ردانى تاران ده‌كات
.jpg)
K24 – هه‌ولێر:
میخائیل بوگدانۆف، نوێنەری سەرۆك كۆماری رووسیا و جێگری وەزیری دەرەوەی ئەو وڵاتە، ئەمشەو دەگاتە تاران و بڕیارە سبەی لەگەڵ وەزیری دەرەوەی ئێران محەممەد جەواد زەریف، كۆببێتەوە.
باڵیۆزخانەی رووسیا لە تاران رایگەیاندووە، میخائیل بوگدانۆف، ئەمشەو دەگاتە تاران و بڕیارە سبەی لەگەڵ محەمەد جەواد زەریف وەزیری دەرەوەی ئێران و حوسێن جابر ئەنساری جێگری وه‌زيرى ده‌ره‌وه بۆ كاروبارى عەرەبی و ئەفریقيا گفتوگۆ بكەن.
بە پێی ھەواڵی باڵیۆزخانەی رووسیا، ناوەڕۆكی كۆبوونەوەكەیان، پرسی دوایین گۆڕانكارییەكان و قەیرانی وڵاتانی ناوچەكە دەبێت.
پێشتر وەزیری دەرەوەی ئێران لە سەردانی بۆ توركیا، داوای كۆبوونەوەی سێ لایەنەی توركیا، رووسیا و ئێرانی كردبوو بۆ چارەسەری قەیرانی سووریا.