هیوا گەیلانی: سەرکەوتنی راپەڕین یەکڕیزی هێزە کوردستانییەکان و جەماوەر بوو

هیوا گەیلانی، ئەندامی کۆمیتەی ناوەندی پارتی دیموکراتی کوردستان
هیوا گەیلانی، ئەندامی کۆمیتەی ناوەندی پارتی دیموکراتی کوردستان

K24 - هەولێر

ئەندامی کۆمیتەی ناوەندی پارتی دیموکراتی کوردستان رایگەیاند، راپەڕینی بەهاری ساڵی 1991 سەرەتای دەستپێکی ئازادی بوو بۆ کورد و کوردستان، سەرکەوتنی راپەڕین یەکڕیزی هێزە کوردستانییەکان و یەکڕیزی جەماوەر بوو.

ئەمرۆ سێشەممە، 5ـی ئاداری 2024، هیوا گەیلانی، ئەندامی کۆمیتەی ناوەندی پارتی دیموکراتی کوردستان، لە میانەی گەشتێکی هەواڵی کوردستان24 رایگەیاند، لە یادی 33ساڵەی راپەڕینی بەهاری ساڵی 1991 سەرەتای دەستپێکی ئازادی بوو بۆ کوردستان و کوردستانی تێیدا ئازاد کرا بە کەرکووکەوەش، یەکێک لە نهێنییەکانی سەرکەوتنی راپەڕین یەکڕیزی هێزە کوردستانییەکان و یەکڕیزی جەماوەری بوو.

بەگوتەی ئەو: "بەرهەمی راپەڕین و 33 ساڵ ئازادی بونیاتنانی پەرلەمان حکومەت و دامودەزگا یاساییەکانی حکومەتی هەرێمی کوردستانە، کە بە درێژترین حکومڕانی دەبینرێت و دەبیسترێت، لە ماوەی ئەو 33 ساڵەدا پێشەکەوتنی زۆر لە بوارە جیاوازەکاندا بەدی هاتووە".

هیوا گەیلانی راشیگەیاند: "ئەمڕۆ هەرێمی کوردستان شوێن و پێگەی لەعێراق وڵاتانی نێودەوڵەتی دیاری کراوە، حکومڕانی کوردی یاسای باشی هەیە، راستە کەموکورتیمان هەیە، بەڵام لەیادی راپەڕیندا پێویستە هەڵوەستەیەک بکەین، چیمان نەکردووە بیکەن بۆ میللەتی کورد".