سەرۆکوەزیران مەسرور بارزانی پیرۆزبایی هاتنی مانگی رەمەزان لە موسڵمانانی کوردستان و جیهان دەکات
K24 – هەولێر:
سەرۆکی حکومەتی هەرێمی کوردستان بەبۆنەی هاتنی مانگی رەمەزانی پیرۆزەوە، پەیامێکی پیرۆزبایی بڵاوکردەوە و دەڵێت: لە خوای گەورە و میهرەبان دەپاڕێینەوە، مانگی پیرۆزی رەمەزان، ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا.
ئەمڕۆ یەکشەممە (10ـی ئاداری 2024) مەسرور بارزانی، سەرۆکی حکومەتی هەرێمی کوردستان، پەیامێکی بە بۆنەی هاتنی مانگی رەمەزان بڵاوکردەوە و تێیدا هاتووە: بە بۆنەی هاتنی مانگی پیرۆزی ڕەمەزان، گەرمترین پیرۆزبایی لە موسڵمانانی کوردستان و جیهان دەکەم، هیوادارم مانگی خێر و خۆشی و ئاشتی و ئارامی بێت.
هەروەها سەرۆکوەزیران مەسرور بارزانی نووسیویەتی: لە خوای گەورە و میهرەبان دەپاڕێینەوە، كە نوێژ و رۆژوو و عیبادەتی هەموومان قبوڵ بكات و مانگی پیرۆزی رەمەزان، ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا.
دەقی پەیامەکەی سەرۆکی حکومەتی هەرێمی کوردستان
بە بۆنەی هاتنی مانگی پیرۆزی رەمەزان، گەرمترین پیرۆزبایی لە موسڵمانانی کوردستان و جیهان دەکەم، هیوادارم مانگی خێر و خۆشی و ئاشتی و ئارامی بێت.
لە خوای گەورە و میهرەبان دەپاڕێینەوە، كە نوێژ و رۆژوو و عیبادەتی هەموومان قبوڵ بكات و مانگی پیرۆزی ڕەمەزان، ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا.
مەسرور بارزانی
سەرۆکی حکومەتی هەرێمی کوردستان