دوو تۆمەتبار لە سلێمانی بە بڕێک ماددەی هۆشبەرەوە دەستگیرکران
K24- هەولێر
لەلایەن مەفرەزەكانی بنكەی پۆلیسی هەوارە بەرزەی سەر بە بەشی پۆلیسی دەربەندیخان دوو تۆمەتبار دەستگیركران و دەستیش گیرا بەسەر بڕێك مادەی هۆشبەردا .
ئەمڕۆ چوارشەممە، 13ـی ئاداری 2024، بەڕێوەبەرایەتی پۆلیسی پارێزگای سلێمانی، بنكەی پۆلیسی هەوارە بەرزە رایگەیاند، لەكاتی گەڕان و دەرچوونی مەفرەزەكان دوو تۆمەتبار دەستگیركران.
بەگوێرەی راگەیەندراوەکە لەنزیک تونێلی دەربەندیخان ئەو دوو تۆمەتبارە، سەرقاڵی لێكردنەوە و دزینی پارچەی ئۆتۆمبێلێكی بارهەڵگربوون و لەكاتی دەستگیركردنیشیاندا دەستگیرا بەسەر بڕێك مادەی هۆشبەر لە جۆری كریستاڵ.
بەگوێرەی راگەیەندراوەکە لە ئێستادا هەریەك لە تۆمەتباران (ح، أ، ر - ب، ش، م) بەبڕیاری دادوەرو راگیراون و لێكۆڵینەوە لە گەڵیان بەردەوامە.