بڕیاری دیکە بۆ کرێچییەکانی بازاڕی لەنگەی هەولێر دەردەکرێت
K24 - هەولێر:
دوای ئەوەی کە لە27ـی شوبات ئاگر لە بەشێکی بازاڕی لەنگەی هەولێر کەوتەوە، پارێزگاری هەولێر بڕیاریدا لە کرێی ساڵێک و کرێی شەش مانگی کۆکردنەوەی زبڵ و خاشاکی دووکانهكان خۆشبێت، کە بەهۆی ئاگرەکەوە زیانیان بەرکەوتووە و ههروهها بڕیاری دیکەش بۆ کرێچییەکان دەردەکرێت.
مام زیاد 20 ساڵە لە نێو بازاڕی لەنگە کاردەکات، بۆ جاری دووەمە دووکانەکەی دەسووتێت، دوای زەرەر و زیانێکی زۆر ، دووبارە هەوڵدەدات دووکانەکەی نۆژەن بکاتەوە و پێیوایە بڕیاری خۆشبوون لە کرێی ساڵێک و کرێی شەش مانگی کۆکردنەوەی زبڵ و خاشاکی دووکانهكان لەم بارودۆخەدا، دەتوانێت بەشێک لە بارگرانیان لەسەر هەڵبگرێت .
ههروهها ناز جەلال بەڕێوەبەری ناوەندی هاوبەشی هەماهەنگی قەیرانەکان لە پارێزگای هەولێر دهڵێت، بڕیارەکە پەسەند کراوە ، و لە رۆژانی داهاتوودا ، تاوتوێ لەسەر بارودۆخەکە دەکرێت، تاکو زیاتر هاریکاری زیانلێکەوتووانی بازاڕی لەنگە بکەن.
بەپێی بڕیارەکەی پارێزگاری هەولێر، لێخۆشبوون لە کرێی ساڵانە کە بڕەکەی لە نێوان یهك ملیۆن بۆ 1500 هەزار دیناردایە و پارەی خۆڵ و خاشاک ئەو کەسانە دەگرێتەوە کە گرێبەستیان لەگەڵ شارەوانی هەیە و لە بەرواری 25ـی ئادارەوە جێبەجێ دەکرێت.