نانسی پیلۆسی نامەیەک ئاراستەی سەرۆکی ئەمەریکا دەکات

K24 - هەولێر

سەرۆکی پێشووی ئەنجومەنی نوێنەرانی ئەمەریکا، نامەیەکی ئاراستەی جۆو بایدن، سەرۆکی ئەمەریکا و ئەنتۆنی بلینکن، وەزیری دەرەوەی ئەمەریکا کرد و تێیدا داوای ڕاگرتنی ناردنی چەک بۆ ئیسرائیل دەکات.

نانسی پیلۆسی، سەرۆکی پێشووی ئەنجومەنی نوێنەرانی ئەمەریکا، نامەیەکی لەلایەن نوێنەرانی مارک پۆکان، "دیموکراتی ویلایەتی ویسکۆنسنە"وە، جیم مەکگۆڤەرن، "دیموکراتی ویلایەتی ماساشوستس" و جان شاکۆڤسکی، "دیموکراتی ویلایەتی ئیلینۆی" و لەلایەن 40 نوێنەری دیکەی دیموکراتەوە واژوو کراوە، لەنێویشیاندا پیلۆسی خۆی، ئاراستەی جۆو بایدن، سەرۆکی ئەمەریکا و ئەنتۆنی بلینکن، وەزیری دەرەوەی ئەمەریکا کردووە. 

یاسادانەران بۆ بایدن و بلینکن نووسیویانە، بە لەبەرچاو گرتنی مانگرتنی ئەم دواییەی کرێکارانی فریاگوزاری و خراپتربوونی قەیرانی مرۆیی، پێمان وایە ناردنی چەک بە ئیسرائیل ڕاست نییە و ناڕەوایە.

لەلایەکی دیکەوە نووسینگەی پیلۆسی لە بەیاننامەیەکدا لە دوای هێرشەکەی سەر کرێکارانی "WCK" ڕایگەیاند، هەرچی زووترە ئیسرائیل ڕێگە بە یارمەتی مرۆیی زیاتر بدات بۆ غەززە.

ئاماژەی بەوەشکرد، دەبێت حکوومەتی ئیسرائیل ڕێگە بە هاوکارییە ڕزگارکەرەکانی ژیان بۆ خێزانەکانی غەززە بدات، تاکو بتوانن هاوکاری ئەو خێزانانە بکەن. هەروەها تێپەڕبوونی سەلامەت بۆ ئەوانەی ڕزگارکەرەکان، کە هاوکاری دەگەیەنن، هەروەها "ئیسرائیل ناتوانێت برسێتی وەک چەکی شەڕ بەکار بهێنێت."

نامەکە لە دوای بڵاوکردنەوەی ئەنجامی سەرەتایی لێکۆڵینەوەکانی سوپای ئیسرائیل سەبارەت بە هێرشەکە دەرچووە، بانگەوازی لێکۆڵینەوەی سەربەخۆ لە ڕووداوەکە لەخۆ دەگرێت.

بەگوێرەی ماڵپەڕی "ئەکسیۆس"، پەیوەستبوونی پیلۆسی لەگەڵ ئیمزاکەران بۆ داواکارییەکی لەو شێوەیە، ئاماژەیە بۆ "پچڕانێکی گەورەی ئەمەریکا لەگەڵ ئیسرائیل".