کەشى پێشبینیکراوی رۆژی یەکەمی جەژنی رەمەزان راگەیەندرا

K24 - هەولێر

بەشی پێشبینی لە بەڕێوەبەرایەتیی گشتیی کەشناسی و بوومەلەرزەزانی سەر بە وەزارەتی گواستنەوە و گەیاندن، لە راگەیەندراوێکدا کەشى پێشبینیکراوى 48 کاتژمێرى داهاتووی لە هەرێمی کوردستان راگەیاند.

بە گوێرەی راگەیەندراوەکە، کەشی ئەمڕۆ سێشەممە، 09-04-2024، "ئاسمان نیمچە هەور دەبێت، پاشان دەگۆڕێت بۆ هەوری تەواو لە دوای نیوەڕۆ باران بارین دەست پێدەکات، هەورە برووسکە لەگەڵدا دەبێت و هەموو ناوچەکانی هەرێمی کوردستان دەگرێتەوە".

هەر لەبارەی کەشی ئەمڕۆ سێشەممە، ئاماژە بەوە کراوە، "لەگەڵ بارینی باران، پێشبینی دەکرێت خێرایی با زیاد بکات بە تایبەتی لە ناوچەکانی باشوور و ناوەڕاستی هەرێمی کوردستان. هاوکات لە هەندێک ناوچەى دەشتى هەولێر (قوشتەپە و دیبەگە )، ڕۆژئاوای سلێمانى (بازیان و چەمچەماڵ)، ئیدارەى ڕاپەڕین، قەزای کۆیە و دەوروبەرى ئەگەرى بارانى بەلێزمە هەیە".

لەبارەی کەشی سبەی چوارشەممەش، 10-04-2024، لە راگەیەندراوەکەدا هاتووە: "ئاسمان هەوری تەواو دەبێت. سەرەتا باران بارین و هەورە برووسکە لە ناوچەشاخاوییەکان و پارێزگای سلێمانى دەبێت، پاشان سەرجەم ناوچەکانى هەرێمی کوردستان دەگرێتەوە".

بەرزترین پلەکانی گەرمای پێشبینیکراو بە پلەی سیلیزی:

هەولێر: 23

سلێمانی: 22

دهۆک: 21

کەرکوک: 25

هەڵەبجە: 22

زاخۆ: 22

سۆران: 17

حاجی ئۆمەران: 10

گەرمیان: 27