هۆشداری لە هەڵسانی لافاو لە 15 پارێزگای تورکیا دەدرێت

لافاو لە تورکیا (وێنە: ئەرشیف)
لافاو لە تورکیا (وێنە: ئەرشیف)

K24 - هەولێر

بەهۆی بەردەوامیی بارانی بەلێزمە، هۆشداری لە هەڵسانی لافاو لە 15 پارێزگای تورکیا دەدرێت.

ئەمڕۆ سێشەممە، 09-04-2024، بەڕێوەبەرایەتیی گشتیی کەشناسی تورکیا لە راگەیەندراوێکدا رایگەیاند، شەپۆڵێکی بارانبارینی بەلێزمە باکووری کوردستان و ژمارەیەک ناوچەی دیکەی تورکیا دەگرێتەوە و 15 پارێزگاشی خستووەتە ناو لیستی هۆشداریی هەڵسانی لافاو.

بەڕێوەبەرایەتی گشتی کەشناسی تورکیا راشیگەیاندووە، شەپۆڵەکە ناوچەکانی رۆژهەڵاتی ئاکدەنیز لەگەڵ پارێزگاکانی بەدلیس، موش، شرنەخ، وان و بەشی باشووری وانی باکووری کوردستان دەگرێتەوە.

بەڕێوەبەرایەتییەکە هۆشداریش دراوە لە دروستبوونی لافاو و پەنگخواردنی ئاو لە ناوەندی پارێزگاکان. باس لەوەش کراوە، بارانبارین و هەورە برووسکە تا کۆتایی ئەم هەفتەیە بەردەوام دەبێت.