نوسینگەی ئاماری فیدراڵی: لە سەدا 21 ئەڵمانییەکان مەترسی هەژاریان لەسەرە
K24- هەولێر
داتا فەرمییەکان ئەڵمانیا کە ڕۆژی چوارشەممە بڵاوکرایەوە ئاشکرایان کردووە، ساڵی ڕابردوو زیاتر یەک لەسەر پێنجی ئەڵمانییەکان ڕووبەڕروی مەترسی هەژاری یان پەراوێزخستنی کۆمەڵایەتیی بوونەتەوە، ئەمەش ئاماژە بە قورساییانە دەکات کە ڕووبەڕووی گەورەترین ئابووری ئەوروپا بووەتەوە.
بەگوێرەی نوسینگەی ئاماری فیدراڵی، ئەم ڕێژەیە لەسەر 17.7 ملیۆن کەس لە ساڵی 2023دا جێبەجێ دەکرێت، کە دەکاتە 21.2%ی کۆی دانیشتوان.
لە کاتێکدا ئەم ژمارەیە بە بەراورد لەگەڵ ساڵی 2022دا بە شێوەیەکی بەرچاو نەگۆڕاوە، بەڵام پاشخانێکی گرنگ بۆ بارودۆخی سیاسی ئەڵمانیا ئاشکرا دەکات، کە تیایدا پارتی "بەدیل بۆ ئەڵمانیا" پێشبڕکێ دەکات بۆ پلەی یەکەم لە هەڵبژاردنەکانی ویلایەتەکان لە ڕۆژهەڵاتی ئەڵمانیا کە تا ڕادەیەک هەژارەکان لەوێن.
بەهۆی زیادکردنی خەرجییەکانی بەرگری وەک وەڵامدانەوەیەک بۆ شەڕی ئۆکرانیا، وای لە هاوپەیمانێتی ڕاوێژکاری ئەڵمانیا "ئۆلاف شۆڵتز" کردووە هەوڵی کەمکردنەوەی بودجە بدات، لە کاتێکدا خێزانەکان ڕووبەڕووی هەڵئاوسانێکی بەرچاو بوونەتەوە.
داتاکانی ئەڵمانیا لەسەر بنەمای پێناسەی هەژاری یەکێتی ئەوروپا دامەزراون، کە ئەو کەسانە دەگرێتەوە بەلایەنی کەمەوە یەکێک لەم سێ پێوەرەی خوارەوەیان لەسەر جێبەجێ دەبن، ڕووبەڕووبوونەوەی هەژاری و هەژاری ماددی و کۆمەڵایەتی، یان کەمبوونەوەیەکی بەرچاو لە ڕێژەی کاری خێزانی.
ڕێژەی ئەو ئەڵمانیانەی کە مەترسی هەژارییان لەسەرە لە ساڵی 2020دا 14.3% بووە.