ڕاوێژکاری ئەڵمانیا بە سەردانێک گەیشتە چین
K24 - هەولێر
کەناڵێکی چین ڕایگەیاند، شی جین پینگ سەرۆکی چین لە پەکین پێشوازی لە ئۆلاف شۆڵز، ڕاوێژکاری ئەڵمانیا کرد.
شوڵز سەردانی شارەکانی شەنگەهای و چۆنگچینگی دەکات و لە پەکینیش لەگەڵ لی کیانگ سەرۆک وەزیرانی چین وتووێژ دەکات بۆ تاوتوێکردنی پەیوەندییە بازرگانییەکان و ململانێکانی ئۆکرانیا و دۆخی ڕۆژهەڵاتی ناوەڕاست.
لای خۆیەوە حکومەتی ئەڵمانیا ڕایگەیاند کە سەردانەکەی شوڵز بۆ چین تیشک دەخاتە سەر ئەو ئالنگاریی جیۆپۆلەتیکیی و ستراتیژی گەشەپێدان و پەیوەندییە ئابوورییەکان.
شوڵز ئەمڕۆ سێشەممە، 16ـی نیسان 2024، سەردانی چین دەکات و سەردانەکەی پێشووی شوڵز بۆ چین لە مانگی نۆڤەمبەری 2022 بووە، بۆ تاوتوێ کردنی چەند پرسێک.