پێکدادانی دوو هەلیکۆپتەری سەربازی لە مالیزیا 10 کوژراوی لێکەوتەوە

پێکدادانی دوو هەلیکۆپتەری سوپای مالیزیا
پێکدادانی دوو هەلیکۆپتەری سوپای مالیزیا

K24 – هەولێر

بەرە بەیانی ئەمڕۆ لە میانەی مەشقێکی سەربازییدا دوو هەلیکۆپتەر سوپای مالیزیا پێکیانداداو بەهۆیەوە 10 سەرباز کوژران کە سەر نشینانی هەردوو هێلیکۆپتەرەکە بوون.

ئاژانسی فرانس پرێس لە زاری سەهیمی محەممەد سوهێل، فەرماندەی ئۆپراسیۆنەکان لە فەرمانگەی بەرگری شارستانیی بڵاوی کردووەتەوە کە ڕووداوەکە لە کاتی بەڕێوەچوونی مەشقێکی سەربازی بووە.

هەروەها تیمێکی تەندروستی مالیزیا ڕایگەیاندووە، تەواوی سەرنشینەکانی هەردوو هەلیکۆپتەرەکە بە فڕۆکەوانەکانیشەوە کوژراون کە 10 سەربازبوون.

لە ماوەی سێ ڕۆژدا لە دوای ڕووداوی پێکدادانی دوو هەلیکۆپتەری سەربازی سوپای ژاپۆن و کوژرانی سەربازێک و برینداربوونی حەوت سەربازی دیکە، ئەمە دووەمین ڕووداوی پێکدادانی هەلیکۆپتەرە لە باشووری ڕۆژئاوای ئاسیا دروست بێت.