بە بڕیاری مەسرور بارزانی  ئامێری تیشک بۆ نەخۆشخانەکانی کۆیە دابین کرا

K24- هەولێر

بە بڕیاری مەسرور بارزانی، سەرۆکی حکوومەتی هەرێمی کوردستان، ئامێری تیشک بۆ نەخۆشخانەکانی کۆیە و شەقڵاوە دابین کرا.

ڕۆژی سێشەممە(14ـی ئایاری 2024)، دکتۆر سەرکار سورچی، گوتەبێژی وەزارەتی تەندروستیی حکوومەتی هەرێمی کوردستان بە کوردستان24ـی ڕاگەیاند، لەسەر داوای وەزارەتەکەیان، مەسرور بارزانی، سەرۆکی حکوومەتی هەرێمی کوردستان بڕیاری دابینکردنی ئامێری تیشکی( مفراس) CT-scan بۆ شاری کۆیە دا.

گوتەبێژی وەزارەتی تەندروستی ئاشکرای کردووە، هەر ئەمڕۆ بە بڕیاری سەرۆکی حکوومەتی هەرێمی کوردستان، ئامێری تیشکی لەرینەوەی موگناتیسی MRI بۆ نەخۆشخانەی گشتیی شەقڵاوە دابین کرا.

وەزارەتی تەندروستی دەڵێت، بە دابینکردنی ئەو ئامێرانە، ڕۆتین لەسەر هاووڵاتییانی کۆیە و دەورووبەری و شەقڵاوە کەم دەبێتەوە.