شه‌پۆلێكی بارانبارین هه‌رێمی كوردستان و ناوچه‌كانی دیكه‌ی عێراق ده‌گرێته‌وه‌

ده‌سته‌ی كه‌شناسی عێراقی پێشبینییه‌كانی بۆ كه‌شوهه‌وای چه‌ند رۆژی داهاتوو راگه‌یاند و دووپاتیكرده‌وه‌، چاوه‌ڕێ ده‌كرێت له‌ سبه‌یه‌وه‌ شه‌پۆلێكی بارانبارین هه‌رێمی كوردستان و عێراق بگرێته‌وه‌.

به‌گوێره‌ی راگه‌یه‌ندراوه‌كه‌ی ده‌سته‌ی كه‌شناسی عێراقی، بۆ رۆژی سێشه‌ممه‌ كه‌شوهه‌وای ته‌واوی ناوچه‌كانی عێراق، ئاسمان نیمچه‌هه‌ور ده‌بێت و له‌ هه‌رێمی كوردستان هه‌وراوی ده‌بێت، له‌گه‌ڵ نمه‌باران و له‌ ناوچه‌ شاخاوییه‌كان پێشبینی بارانی مامناوه‌ند ده‌كرێت.

بۆ رۆژی چوارشه‌ممه‌ش پێشبینییه‌كان ئاماژه‌ بۆ ئاسمانی هه‌وراوی له‌ هه‌رێمی كوردستان ده‌كه‌ن، له‌گه‌ڵ بارینی نمه‌باران و بارانی مامناوه‌ند.

بۆ رۆژی پێنجشه‌ممه‌ش كه‌شوهه‌وای هه‌رێمی كوردستان وه‌ك رۆژی پێشتر ده‌بێت و پله‌كانی گه‌رماش كه‌مێك روو له‌ به‌رزبوونه‌وه‌ ده‌كه‌ن.