5 یاریزانی كورد بانگهێشتی هەڵبژاردەی عێراق كران

خیسۆس كاساس راهێنەری هەڵبژاردەی عێراق
خیسۆس كاساس راهێنەری هەڵبژاردەی عێراق

خیسۆس كاساس راهێنەری هەڵبژاردەی عێراق بۆ یارییەكانی پاڵاوتنی مۆندیال جارێكی دیكە ئاكام هاشمی یاریزانی یانەی هەولێری بانگهێشتی هەڵبژاردەكەی كردەوە، هەروەها لە شوێنی محەمەد ساڵحی گۆڵپارێزی یانەی دهۆك ئەمجارەیان بۆ یەكەمجار بانگهێشتی عەلی كازمی گۆڵپارێزی یانەی زاخۆی كرد.
ئەمڕۆ سێشەممە، 21/5/2024، خیسۆس كاساس راهێنەری ئیسپانی هەڵبژاردەی عێراق لیستێكی 26 یاریزانی بۆ دوو یاریی داهاتوو لە پاڵاوتنەكانی مۆندیال بڵاوكردەوە، لە نێو لیستەكەدا پێنج یاریزانی كوردی تێدایە.
عەلی كازمی گۆڵپارێزی یانەی زاخۆ كە ئەم وەرزە زۆرترین كلین شیتی لە خولی ئەستێرەكانی عێراق تۆمار كردووە بۆ یەكەمجار بانگهێشتی هەڵبژاردەی عێراق كرا.
لە لایەكی دیكەیشەوە ئاكام هاشم ئەستێرەی كوردی یانەی هەولێر هاوشانی رێبین سۆلاقا جارێكی دیكە بۆ هێڵی بەرگری بانگهێشی هەڵبژاردەی عێراق كرانەوە، هاوكات ئەحمەد مەكەنزی بەرگریكاری یانەی هەولێریش بۆ یەكەمجار ناوی لەنێو لیستی یاریزانەكان زیاد كرا.
خیسۆس كاساس راهێنەری هەڵبژاردەی عێراق بۆ یەكەمجار بانگهێشتی یاریزانێكی دیكەی كوردی كردووە بە ناوی (ماركۆ لاوك فەرەج) كە لە خولی نەرویجی یاریی دەكات.
لە هێڵی ناوەڕاست مایسترۆی كورد ئوسامە ڕەشید ناوی لە پێكهاتەكەدا هەیە، لە لایەكی دیكەیشەوە كاساس بانگهێشتی یوسف ئەمینی یاریزانە كوردەكەی خولی ئەڵمانیا كردووە كە هاوشانی ئەیمەن حوسێن و موهەنەد عەلی لە هێڵی پێشەوەی هەڵبژاردەی عێراق یاریی دەكەن.
هەڵبژاردەی عێراق بڕیارە دوو یاریی داهاتوو لە پاڵاوتنەكانی مۆندیال و جامی نەتەوەكانی ئاسیای 2027 بەرامبەر هەڵبژاردەكانی ئیندۆنیسیا و ڤێتنام بكات.

.
.
.
.