چەند خانمە شانۆکارێکی کورد لە قاهیرە خەڵاتی ڕێزلێنانیان پێ درا

خەڵاتکردنی سێ خانمە شانۆکاری کورد لە قاهیرە
خەڵاتکردنی سێ خانمە شانۆکاری کورد لە قاهیرە

سێ خانمە شانۆکاری کورد لە فیستیڤاڵێکی شانۆی خانمان لە قاهیرە، ڕێزیان لێ دەگیرێ و خەڵات دەکرێن.

لە خولی دووەمی فیستیڤاڵی ئیزیسی نێودەوڵەتی بۆ شانۆی خانمان لە 16 بۆ 22ـی ئایاری 2024 لە قاهیرە ، خانمانی شانۆکاری کورد، نیگار حەسیب قەرەداخی، گەزیزە عومەر، فرمێسک مستەفا ئامادەبوون.

بەپێی زانیارییەکان، نیگار حەسیب قەرەداخی بە پێرفۆرمانسی میمۆری بەشداری فیستیڤاڵەکەی کردووە، گەزیزە عومەر و فرمێسک مستەفاش لە توێژینەوەی فیکری فیستیڤاڵەکە بە بابەتی جیاواز لەسەر داهێنانی خانمان لە ژێر بۆردوماندا بەشداربوون.

جێی باسە لەم فیستیڤاڵەدا چەندین نمایش و توێژینەوە و ۆرکشۆپی تایبەت پێشکەش کران.

لە کۆتایی فیستیڤاڵەکەش، هونەرمەندان خەڵاتی ڕێزلێنانیان لەلایەن ئەکتەری بەناوبانگی میسر خاتوو ئیلهام شاهینەوە پێبەخشرا.