قوباد تاڵه‌بانی: په‌یوه‌ندییه‌كی باش له ‌نێوان هه‌رێمی كوردستان و قه‌ته‌ردا هه‌یه‌

قوباد تاڵه‌بانی، جێگری سه‌رۆكی حكوومه‌تی هه‌رێمی كوردستان
قوباد تاڵه‌بانی، جێگری سه‌رۆكی حكوومه‌تی هه‌رێمی كوردستان

جێگری سه‌رۆكی حكوومه‌تی هه‌رێمی كوردستان رایده‌گه‌یه‌نێت، قه‌ته‌ر وڵاتێكی گرنگیی‌ ناوچه‌یه‌كی گرنگه‌.

له‌ لێدوانێكی رۆژنامه‌وانیدا، قوباد تاڵه‌بانی جێگری سه‌رۆكی حكوومه‌تی هه‌رێمی كوردستان راگه‌یاند، په‌یوه‌ندییه‌كی باش له‌نێوان هه‌رێمی كوردستان و قه‌ته‌ر هه‌یه‌. ده‌شڵێت: "قه‌ته‌ر وڵاتێكی گرنگیی‌ ناوچه‌یه‌كی گرنگه ".

هه‌روه‌ها جێگری سه‌رۆكی حكوومه‌تی هه‌رێمی كوردستان گوتیشی: "له‌ چوارچێوه‌ی عێراقدا، هه‌رێمی كوردستان په‌ره‌ به‌ په‌یوه‌ندییه‌كانی له‌گه‌ڵ وڵاتی قه‌ته‌ر ده‌دات".

ئەمڕۆ یەکشەممە (26ـی ئایاری 2024) بە ئامادەبوونی مەسرور بارزانی، سەرۆکی حکومەتی هەرێمی کوردستان و ئەحمەد حەسەن ئەلحەممادی، ئەمینداری گشتیی وەزارەتی دەرەوەی قەتەڕ وباڵیۆزی قەتەڕ لە عێراق، ڕێورسمی کردنەوەی کونسوڵخانەی قەتەڕ لە هەولێر بەڕێوەچوو.

لە ڕێوڕەسمەکەدا سەرۆکی حکومەت گوتارێکی پێشکەش کرد و ئاماژەی بەوە دا کە کردنەوەی کونسوڵخانەی گشتيی قەتەڕ، هاوکار و یارمەتیدەر دەبێت لە بەرەوپێشبردنی پەیوەندییەکانی نێوانمان لە بوارە جۆراوجۆرەکاندا.