مەسرور بارزانی لەگەڵ عەمار حەکیم کۆبووەوە

دیداری مەسرور بارزانی سەرۆکوەزیرانی هەرێمی کوردستان لەگەڵ عەمار حەکیم سەرۆکی ڕەوتی حیکمەی نیشتمانی
دیداری مەسرور بارزانی سەرۆکوەزیرانی هەرێمی کوردستان لەگەڵ عەمار حەکیم سەرۆکی ڕەوتی حیکمەی نیشتمانی

مەسرور بارزانی، سەرۆکوەزیرانی هەرێمی کوردستان لە درێژەی سەردانەکەی بۆ بەغدا لەگەڵ عەمار حەکیم سەرۆکی ڕەوتی حیکمەی نیشتمانی کۆبووەوە.

ماڵپەڕی فەرمیی حکوومەتی هەرێمی کوردستان بڵاویکردووەتەوە، مەسرور بارزانی سەرۆکی حکوومەتی هەرێمی کوردستان لە دوا وێستگەی سەردانەکەی بۆ بەغدا ، لەگەڵ عەممار حەکیم ڕێبەری ڕەوتی نیشتمانیی حیکمە کۆبووەوە و بیروڕا لەبارەی دۆخى سياسى و گشتيى عێراق و هه‌وڵه‌كانى چاره‌كردنى كێشه‌كانی حكوومەتى هه‌رێمى كوردستان و حكوومەتی‌ فيدرال ئاڵوگۆڕ کرا .

هه‌ردوولا هاوڕابوون له‌سه‌ر گرنگيى چاره‌كردنى كێشه‌كان بەشێوەیەکی ڕیشەیی و لەسەر بنەمای دەستوور و پاراستنى مافه‌كانى خەڵکی کوردستان و هەموو پێکهاتەکانی عێراق.

ئەمڕۆ پێنجشەممە 30ی ئایاری 2024، مەسرور بارزانى سه‌رۆكى حکوومەتی هه‌رێمى كوردستان سەردانی بەغدا کرد و لە یەکەم وێستگەی دیدارەکاندا له‌گه‌ڵ قاسم ئەعرەجی ڕاوێژکاری ئاسایشی نیشتمانی عێراق كۆبووه‌وه.