گۆرانی "پەشیمانم" بڵاو دەبێتەوە

کاروان شووان، هونەرمەند
کاروان شووان، هونەرمەند

نوێترین گۆرانی هونەرمەند کاروان شوان بە ناوی "پەشیمانم" بڵاو بووەوە.

دووشەممە، 10ـی حوزەیرانی 2024، کاروان شوان، هونەرمەند سەبارەت بە بەرهەمە نوێیەکەی بە کوردستان24ـی ڕاگەیاند، بەرهەمەکەم بە ناوی "پەشیمانم"  لە ئاوازی نەجات بەگزادەیە و تێکستی چۆمان ساڵەییە، سیناریۆ و دەرهێنانی خۆمە، هەروەها کاری میوزیکی ئاراس رەفعەتە.

ئەو هونەرمەندە دەڵێت، "له ساڵی 2005ەوە خەریکی کاری هونەریم، ئێستەش لە ئەمەریکا دەژیم و بەردەوام خەريكی کاری هونەریم".

دەشڵێت، "ئێستە دوو کاری هونەری نوێم لەبەردەستدایە، بەم نزیکانە تەواو دەبێت و پێشەکەشی هەوادارەکانمی دەکەم".

کاروان شوان، ئاماژەی دا کە بەردەوام لە هەوڵدایە تاکو گۆڕان لە کارە هونەرییەکانیدا بکات، بۆ ئەوەی باشترین گۆرانی پێشکەشی هەوادارەکانی بکات.

کاروان شوان، تەمەن 37 ساڵە و خەڵکی شاری کەرکووکە و ئێستە نیشتەجێی ئەمەریکایە.